Лізнула дахі не распаленае яшчэ малінавае сонца — раз,
другі, трэці. Злізала цёмную, верхавіну дома, што забавілася
ў ночы. На трэцім нехлямяжым, але ўжо цалкам раніш-
нім паверсе Бешачка і Пафнуцік прачынаюцца на посцілцы
ў вітальні. Балонкі кладуць галовы на лапы і застаюцца
ляжаць, чуйна, узбурана. Алена Рычардаўна на кухні, зноў па
старасці сваёй падумала, што будні дзень, гатуе сасіскі і каву.
Алена Рычардаўна не зветрыць нават сённяшні дзень, чаго
ўжо казаць пра заўтрашні! Зараз, як зазвычай, схамянецца і
закрычыць у вітальню: «Бешачка, Пафнуцік! А што ў мяне
ёсць для пупікаў! Гайда, хадзіце сюды!» Але Бешачка і
Пафнуцік не спяшаюцца да альцгеймеравых ружовых сасісак.
Яны ляжаць — бы сфінксы, балонкі-аракулы. Блыхі, коткі,
косткі, лівер і вяндліна — усё марная марнасць. Блішчаць
вочы, сухія насы, сабакам не да кілбас.
Дзесьці ў глухой вёсачцы бязродны кудлаты сабака Палкан
наструньвае вушы, пачуўшы рыпенне дзвярэй і, бразгаючы
ланцугом, выпаўзае з будкі. Усё як заўжды, гаспадыня спя-
шаецца на ранішнюю дойку, бразгаючы вёдрамі, ад яе тхне
сном, малаком, просам і чаканнем кармёжкі. Але нешта не
так, адчувае Палкан, ветрачы — нейкі пах, незразумелы,
чужынскі, заўтрашні, мяшаецца са звыклымі і роднымі, і
вось здаровы сон ператвараецца ў жахлівы, і малако скісае, і
проса пакрываецца цвіллю, і ад чакання кармёжкі застаецца
ўстойлівы востры пах голаду. І ён не вытрымлівае, ён
120 121
падымае сваю пысу да сонца, што радзіцца ў апошні раз і
ад якога больш не пахне будучыняй і скуголіць, так, як не
скуголіў ніколі, і скуголенне гэтае, падхопленае суседскімі
сабакамі, нясецца рэквіемам па-над вёскай.
— У-у-у, дурань кляты! — гаспадыня, што здрыганулася
ад неспадзеўкі, на хаду паддае сабаку мыском бота, і спя-
шаецца далей — яшчэ ж столькі справаў трэба парабіць,
столькі ўсяго паспець у гэтым жыцці!
І, пакуль яна не схаваецца за веснічкі, сшэрхлы Палкан
праводзіць яе позіркам, і па яго шырокай, пакрытай шнарамі
пысе коцяцца слёзы роспачы.
Ананімны сабака ў далёкім горадзе ананімна ветрыць
наваколле. Пыса ўгору, збянтэжаная, гаротная. Крыху далей,
крыху далей — там, за пахам чалавечага поту, спермы, гні-
лога мяса і незабудак — яшчэ далей — так, з заўтра — з
заўтра тхне цёмным страшным пакінутым пакоем. І не будзе
рукі, што гайдане арэлі і ня прыляціць бусла і вясёлым
жалейкам не хопіць дыхання. Сабака садзіцца і плача.
— Ты забыўся, але я памятаю, як асцярожліва я пады ходзіў
да твайго агню, калі я быў сабачаняткам, як твая жонка збірала
яблыкі, як мы сядзелі ля агню, абняўшыся і глядзелі ў цемру
вакол нас. І зорак было больш, і ты быў дужэйшым, я думаў,
ты вырасцеш, але ты так і не рос, вось я не сабачаня, а ты ўсё
той жа бяспоўсцевы, лакцісты, мой сябар, мой спадарожнік.
Мы столькі прайшлі разам, паляванні, скуралупні, ланцугі і
тваё смешнае «але-гоп!» замест «люблю». І вось заўтра няма, а
ты не ведаеш, а я ведаю. Не вінаваць мяне за маю сённяшнюю
тугу, іншай ужо не будзе.
Старэча фокстэр’ер не пабег за палкай, так і сеў на клум-
бу. «Ты чаго, што здарылася?» «Нічога. — падумаў фокс-
тэр’ер — Здарылася нічога, ну, амаль што ўжо здарылася».
Ён падышоў да гаспадара і паглядзеў яму ў вочы, гэтак, як
ніколі раней не глядзеў — можа, зразумее?
Пачынаецца дзень тужлівых сабак.
credits
from Slow Mob,
track released July 10, 2020
Bông Hoa - violin, piano, noises
French poet Messyl offers work in the tradition of the Beat Generation over atmospheric experimental rock from Wolf City. Bandcamp New & Notable Apr 11, 2023
A collaboration between Devon Welsh of Majical Cloudz and Matthew E. Duffy, Belave is eerie, unsettling music that feels like a dark secret. Bandcamp New & Notable Jul 22, 2017
An introspective record that fuses post-rock, shoegaze and ambient synth patches into a seamless array of shimmering soundscapes. Bandcamp New & Notable Jan 26, 2023
Dizzying psychedelic songs that feel like they're being played at the bottom of a deep canyon, drenched in reverb & echo. Bandcamp New & Notable Dec 11, 2022
Amselysen pulls at the edges of pop and club music, taffy-like, to create these sugary, warped, fascinating experimental confections. Bandcamp New & Notable Nov 8, 2022